ჯანჯაფილის ლიქიორი არის სასმელი, რომელიც ამავდროულად კურნავს ბევრ დაავადებას!
ამ პროდუქტს ძირითადად საჭმლის მომნელებელი პრობლემებისა და გაციების მოსაგვარებლად იყენებდნენ.
ჯანჯაფილი შედის სამკურნალო პროდუქტების კატეგორიაში, რომელიც ითვლება მსოფლიოში ერთ-ერთ ყველაზე ძვირფას სანელებლად. ეს ტკბილი და სურნელოვანი სანელებელი, მდიდარია ბუნებრივი ზეთებით (განსაკუთრებით ჯინჯეროლით), აქვს საოცარი სამკურნალო თვისებები.
ჯანჯაფილი ასევე დიდი ხანია ცნობილია როგორც ტრადიციულ, ასევე ალტერნატიულ მედიცინაში.
ბოლო ათწლეულის მანძილზე ჩატარებულმა კვლევებმა აჩვენა, რომ ჯანჯაფილი ისეთივე ეფექტურია ან თუნდაც აღემატება ბევრ სინთეზურ ანთების საწინააღმდეგო პრეპარატს, რადგან მას არ აქვს სერიოზული გვერდითი მოვლენები.
- ჯანჯაფილის მთავარი ბიოლოგიურად აქტიური ნივთიერება – ჯინჯეროლი – პასუხისმგებელია პროდუქტის სამკურნალო თვისებების უმეტესობაზე. მას აქვს ძლიერი ანთების საწინააღმდეგო და ანტიოქსიდანტური თვისებები. ის ასევე ეფექტურია ღრძილების დაავადებებთან დაკავშირებული ვირუსული და ბაქტერიული ინფექციების დროს (როგორიცაა გინგივიტი და პერიოდონტიტი).
- ეს ნივთიერება განსაკუთრებით ეფექტურია სახმელეთო ან საზღვაო მოგზაურობით გამოწვეული გულისრევის დროს.
- კვლევებმა აჩვენა, რომ 2 გრამი ჯანჯაფილი დღეში 11 დღის განმავლობაში მნიშვნელოვნად ამცირებს კუნთების ტკივილს. ის ნელა, მაგრამ ეფექტურად ამცირებს კუნთების ტკივილის პროგრესირებას და სწორედ ეს ნელი პროცესი განაპირობებს მის მყარ შედეგს.
- მისი ანთების საწინააღმდეგო ეფექტის გამო, ჯანჯაფილი სასარგებლოა მუხლის ტკივილის მქონე ადამიანებისთვის. ეს პროდუქტი ამცირებს ტკივილს და აღადგენს მობილურობას. ჯანჯაფილი ასევე შეიძლება გამოყენებულ იქნას გარედან დარიჩინთან და სეზამის ზეთთან ერთად.
- ჯანჯაფილის მირთმევა მნიშვნელოვნად ამცირებს სისხლში შაქრის დონეს და აუმჯობესებს გულის მუშაობას. 2015 წელს ჩატარებულმა კვლევამ აჩვენა, რომ 2 გ ჯანჯაფილის ფხვნილი დღეში ამცირებს სისხლში გლუკოზის დონეს 10-12%-ით 12 კვირის განმავლობაში.
- გულ-სისხლძარღვთა დაავადებების რისკის ფაქტორების თვალსაზრისით, ჯანჯაფილი ამ მაჩვენებელს 23%-ით ამცირებს. კვლევაში მონაწილეობდა ქოლესტერინის მაღალი დონის მქონე 85 ადამიანი. 3 გრ ჯანჯაფილის ფხვნილი საგრძნობლად ამცირებს მათ სისხლში ქოლესტერინისა და ტრიგლიცერიდების დონეს.
- ჯანჯაფილი რეკომენდირებულია ქრონიკული საჭმლის მონელების (დისპეფსიის) დროს, რადგან ის აჩქარებს კუჭის დაცლას, რითაც ამცირებს კუჭის ტკივილს და დისკომფორტს.
- ჯანჯაფილის კიდევ ერთი პოპულარული გამოყენება არის მენსტრუალური ტკივილი. 1 გრ ჯანჯაფილის ფხვნილი დღეში მენსტრუაციის პირველი 3 დღის განმავლობაში ხელს უწყობს ტკივილისა და კრუნჩხვების შემცირებას იბუპროფენისა და მეფენამის მჟავაზე (შედის ანთების საწინააღმდეგო, ტკივილგამაყუჩებელ და სიცხის დამწევ საშუალებებში).
- ჯანჯაფილი აუმჯობესებს ტვინის მუშაობას, ხელს უშლის ტვინის დაბერებას და ალცჰეიმერის დაავადებას. 60 შუახნის ქალის კვლევაში ჯანჯაფილი აუმჯობესებდა შემეცნებას და სამუშაო მეხსიერებას.
ეს არის მხოლოდ რამდენიმე მიზეზი, თუ რატომ უნდა მიირთვათ მეტი ჯანჯაფილი!
ჯანჯაფილის ლიქიორის რეცეპტი:
- 60 გრ ჯანჯაფილის ფესვი
- 150 გრ შაქარი
- 1-2 ჭიქა წყალი
- 1-2 ჭიქა არაყი
- 1 ლიმონი ან 1 ფორთოხალი
- ვანილის 1 ცალი.
მომზადება:
- ჯანჯაფილის ფესვი გაფხიკეთ კოვზით. დაჭერით ნაჭრებად, შემდეგ კი უფრო პატარა ნაჭრებად.
- ჯანჯაფილის ნაჭრები ვანილთან და შაქართან ერთად მოათავსეთ ქვაბში და დაასხით წყალი.
- ადუღეთ დაახლოებით 20-25 წუთის განმავლობაში დაბალ ცეცხლზე, სანამ არ ჯანჯაფილი არ დარბილდება.
- შემდეგ გადმოდგით ქვაბი ცეცხლიდან და გააცივეთ.
- ლიმონის ან ფორთოხლის კანი აიღეთ, გარეცხეთ ძმრით და სოდით და დაჭერით პატარა ნაჭრებად. დაამატეთ გაცივებული ჯანჯაფილის ნარევს.
- დაუმატეთ არაყი და ქვაბი მჭიდროდ დაახურეთ თავსახური.
- გააჩერეთ 24 საათის განმავლობაში.
- ბოლოს გაწურეთ სითხე ჯანჯაფილის, ფორთოხლის ქერქისა და ვანილის ნაჭრების მოსაშორებლად და გადაიტანეთ სასმელი ბოთლებში.
შეინახეთ ის ბნელ ადგილას. სასმელის მიღება შესაძლებელია მეორე დღეს, როცა ყველა არომატი გაერთიანდება.
