როგორ გავიგოთ, რომ სხეულს მეტი წყალი სჭირდება და როგორ შევივსოთ მისი ნაკლებობა?

როგორ გავიგოთ, რომ სხეულს მეტი წყალი სჭირდება და როგორ შევივსოთ მისი ნაკლებობა?

წყალი სასიცოცხლო მნიშვნელობის ელემენტია. დედამიწაზე ორგანიზმების უმეტესობა ძირითადად წყლისგან შედგება. მაგალითად, ადამიანის სხეული დაახლოებით 60% წყლისგან შედგება! ამიტომ, თუ ორგანიზმი საკმარისად არ არის დატენიანებული, მისი მდგომარეობა მკვეთრად უარესდება.

რამდენ ხანს შეუძლია ადამიანს წყლის გარეშე ცხოვრება?

მიუხედავად იმისა, რომ ძნელი დასაჯერებელი ჩანდეს, იყვნენ ადამიანები, რომლებმაც 90 დღემდე იცხოვრეს საკვების მიღების გარეშე, ხოლო სითხის გარეშე ადამიანი 5 დღეზე მეტხანს ვერ იცოცხლებს.

ექსპერტების აზრით, საშუალოდ ადამიანს შეუძლია 4 დღემდე გაძლოს წყლის ან სხვა სითხის გარეშე.

რამდენი წყალი უნდა დალიოთ ყოველდღე?

ზოგადად, ექსპერტები გვირჩევენ დღეში დაახლოებით 2 ლიტრი წყლის დალევას, რაც 6-დან 8 ჭიქა წყალს შეადგენს.

თუმცა, ზუსტად რომ იცოდეთ რამდენი სჭირდება თქვენს სხეულს ჰიდრატაციისა და გამართული ფუნქციონირებისთვის, უნდა გახსოვდეთ, რომ სხეულის წონის ყოველ 25 კილოგრამზე ერთი ლიტრი წყალი გჭირდებათ.

როგორ მიხვდეთ, სვამთ თუ არა საკმარის წყალს?

მიუხედავად იმისა, რომ შეიძლება ფიქრობთ, რომ თქვენი სხეული კარგად არის დატენიანებული და რომ ყველაფერი გამართულად მუშაობს, არსებობს რამდენიმე სიმპტომი, რომელიც შეიძლება მიუთითებდეს, რომ დეჰიდრატირებული ხართ და რომ ჩვეულებრივზე მეტი წყლის დალევა გჭირდებათ.

მაღალმა სიცხემ, ავადმყოფობამ ან ტოქსინების დაგროვებამ შეიძლება გაზარდოს დეჰიდრატაციის რისკი, რამაც შეიძლება გამოიწვიოს ჯანმრთელობის სხვადასხვა პრობლემები და სერიოზულად შეამციროს თქვენი ცხოვრების ხარისხი.

ზოგიერთი სიმპტომი, რომელიც შეიძლება მიუთითებდეს დეჰიდრატაციაზე, მოიცავს:

  • დასიებული თვალები.
  • პირის სიმშრალე.
  • შარდის მუქი შეფერილობა ან მკვეთრი სუნი.
  • მტკივნეული შარდვა.
  • საშარდე გზების ინფექციები.
  • ქვები თირკმელებში.
  • მუდმივი წყურვილი.
  • კანის ელასტიურობის დაქვეითება.
  • კანის სიმშრალე
  • დაღლილობა.
  • კუნთის სპაზმები.
  • გართულებული სუნთქვა.
  • ყაბზობა.
  • თავის ტკივილი და შაკიკი.
  • სტომატოლოგიური პრობლემები.
  • თმის ცვენა.

სპორტსმენებმა განსაკუთრებით კარგად უნდა გაზარდონ ეს მოცულობა, იმისდა მიხედვით, თუ რა ტიპის აქტივობას ასრულებენ, რადგან ვარჯიშის დროს სხეული კარგავს უამრავ სითხეს.

რა უნდა გააკეთოს, თუ სხეული დეჰიდრატირებულია?

თუ დეჰიდრატაციის სიმპტომების წაკითხვის შემდეგ მიხვდებით, რომ თქვენს ორგანიზმს მეტი წყალი სჭირდება, დაიწყეთ უფრო ხშირად დალევა მთელი დღის განმავლობაში. მაგრამ არავითარ შემთხვევაში არ შეეცადოთ დალიოთ ბევრი ერთდროულად, რადგან ამან შეიძლება უარყოფითად იმოქმედოს თქვენს ჯანმრთელობაზე.

ამ მიზნით შეგიძლიათ გამოიყენოთ ნატურალური ხილის წვენები, ასევე ხილი და ბოსტნეული წყლის მაღალი შემცველობით.

Facebook კომენტარები