სტატისტიკის მიხედვით რადიკულიტი მსოფლიოს მოსახლეობის 40%-ს აწუხებს. ამ სავარჯიშოების დახმარებით კი თქვენ შეძლებთ წელის მიდამოს გაჯანსაღებას.
1. დადექით სახით სკამთან. მოხარეთ მარჯვენა ფეხი მუხლში და დადგით სკამზე ისე, რომ თეძო იყოს იატაკის პარალელურად, ხოლო მუხლი იყოს ტერფის ზემოთ. დადეთ მარცხენა ხელის გული მარჯვენა მუხლის გარე მხარეს და მარჯვენა ფეხის გაუნძრევლად შეაბრუნეთ კორპუსი მარჯვენა მხარეს. გააკეთეთ რამდენიმე ღრმა ჩასუნთქვა და ამ პოზაში 30 წამი გაჩერდით. გაიმეორეთ სავარჯიშო მარცხენა ფეხისთვის.
2. დაწექით ზურგზე, მიიტანეთ მუხლი მკერდთან ახლოს, მეორე ფეხი კი გაასწორეთ.
გააკეთეთ რამდენიმე ღრმა ჩასუნთქვა. ამ დროს მხრებით იატაკს დაეყრდენით. გაიმეორეთ სავარჯიშო ორივე ფეხისთვის 30 წამის განმავლობაში.
3. პოზიცია იგივეა. გაშალეთ ხელები, მხრებით მიეყრდენით იატაკს და ორივე მუხლი მიაბრუნეთ ჯერ მარცხნივ მერე კე მარჯვნივ. ისუნთქეთ ღრმად და თავისუფლად. გაიმეორეთ ეს 1 წუთიანი სავარჯიშო ორივე მხარეზე.
4. დაწექით ზურგზე (ფეხები ერთად, ხელები გაშალეთ). ერთი ფეხი გაასწორეთ, მეორე კი მუხლში მოხარეთ 90°-ზე და მოპირდაპირე ხელი მუხლზე დადეთ. სახით მობრუნდით გაშლილ ხელთან. ამ დროს მხრებით იატაკს უნდა დაეყრდნოთ. ისუნთქეთ მშვიდად და თავისუფლად, თითო მხარეს 1 წუთი დაუთმეთ.
5. დადექით სწორად, მოხარეთ მარჯვენა ფეხი მუხლში და გააკეთეთ ერთი ნაბიჯი წინ. მარცხენა ფეხი გასწორებულია. მოაბრუნეთ კორპუსი მოხრილი ფეხის მხარეს, შეაერთეთ ხელის გულები ისე, რომ იდაყვი მოხრილი მუხლის გარე მხარეს იყოს. შეეცადეთ ასეთ პოზაში 30 წამი დარჩეთ.
6. დაჯექით იატაკზე. მოხარეთ მარჯვენა ფეხი მუხლში და გადააბიჯეთ მარცხენა ფეხს. მარჯვენა ხელი დადეთ იატაკზე თქვენს უკან, ხოლო მარცხენა ხელის იდაყვი- მოხრილი მუხლის გარე მხარეს. მოაბრუნეთ კორპუსი გასწორებული ხელის მხარეს და შეეცადეთ ფეხები არ ამოძრაოთ. თუ გამოგივიდათ, სცადეთ ამ პოზაში 30-60 წამამდე გაძლოთ. გაიმეორეთ იგივე მეორე ფეხზეც.
7. დადექით მუხლებზე, ხელის გულები კი იატაკზე დადეთ. ჩაზნიქეთ წელი ისე რომ მკერდი წინ წამოიწიოს. ისუნთქეთ ღრმად და მშვიდად 10 წამის განმავლობაში. შემდეგ ამოზნიქეთ წელი, ისე რომ ნიკაპი მკერდთან ახლოს იყოს და 10 წამის განმავლობაში პოზიცია შეინარჩუნეთ. გააკეთეთ ეს სავარჯიშო 1-2 წუთის განმავლობაში.
8. დაჯექით ქუსლებზე, ხოლო მუხლები ოდნავ გაშალეთ. შუბლი იატაკს მიადეთ, ხელები კი წინ გაშალეთ, დამშვიდდით და ისუნთქეთ ღრმად და მშვიდად. ამ პოზაში შეგიძლიათ დარჩეთ იმდენი ხანი, რამდენიც გინდათ.
აუცილებლად სანახავი:შეჭამეთ ხახვი ყოველ დღე ერთი კვირის განმავლობაში და ნახეთ რა დაემართება თქვენს ორგანიზმს
